ԱՄՆ նախագահ Դոնալդ Թրամփի այցը Ճապոնիա նախատեսվում է հոկտեմբերի 27-ից 29-ը, հայտարարել է կառավարության գլխավոր քարտուղար Մինորու Կիհարան՝ ելույթ ունենալով մամուլի ասուլիսում։
«ԱՄՆ նախագահ Թրամփը հրավիրվել է Ճապոնիա: Նրա այցը նախատեսվում է իրականացնել հոկտեմբերի 27-29-ը», - նշել է նա: Կիհարան ասել է, որ ուղևորության ընթացքում Թրամփը, ինչպես սպասվում է, բանակցություններ կվարի Ճապոնիայի նոր վարչապետ Սանաե Տակաիչիի հետ, ինչպես նաև հանդիպում կունենա կայսր Նարուհիտոյի հետ:
Կառավարության գլխավոր քարտուղարը վստահություն հայտնեց, որ ամերիկացի առաջնորդի այցը կարևոր քայլ կլինի երկկողմ հարաբերությունների հետագա զարգացման ուղղությամբ։
Սա Թրամփի առաջին այցը կլինի Ճապոնիա իր երկրորդ ժամկետի ընթացքում։
