Այս տարվա հունվարին Դոնալդ Թրամփի պաշտոնը ստանձնելուց ի վեր Միացյալ Նահանգներից արտաքսվել է ավելի քան 515,000 անօրինական ներգաղթյալ, հաղորդում է Fox News-ը՝ հղում անելով Հայրենիքի անվտանգության նախարարության օգնական նախարար Թրիշա Մաքլաֆլինին։
Նրա խոսքով՝ Թրամփի նախագահության առաջին տարվա վերջում (մինչև 2026 թվականի հունվարի 20-ը), արտաքսվածների թիվը, կանխատեսումների համաձայն, կհասնի ռեկորդային 600.000-ի։ Մաքլաֆլինը պարզաբանել է, որ ընդհանուր առմամբ, տարեսկզբից ի վեր Միացյալ Նահանգները լքել է ավելի քան 2 միլիոն միգրանտ, որոնցից մոտավորապես 1.6 միլիոնը լքել է կամավոր։
Թրամփը բազմիցս պաշտպանել է ավելի խիստ ներգաղթային քաղաքականություն։ Նա հայտարարել է ամերիկյան պատմության մեջ անօրինական ներգաղթյալների դեմ ամենամեծ արտաքսման գործողությունն իրականացնելու իր մտադրության մասին։
