ԱՄՆ փոխնախագահ Ջեյ Դեյ Վենսը այցով ժամանել է Իսրայել, հաղորդում է Ynet-ը։ Վենսը ԱՄՆ փոխնախագահի պաշտոնում նշանակվելուց ի վեր առաջին անգամ է այցելում հրեական պետություն, նշում է պորտալը։ Հոկտեմբերի 20-ին Իսրայելի կառավարության խոսնակ Շոշ Բեդրոսյանը ճեպազրույցի ժամանակ հայտարարեց, որ Վենսի այցը կտևի «մի քանի օր»։
Նրա խոսքով՝ փոխնախագահը նախատեսում է բանակցություններ վարել Իսրայելի վարչապետ Բենիամին Նեթանյահուի հետ։
Հոկտեմբերի 19-ին Իսրայելի բանակը հայտարարեց, որ պաղեստինցի արմատականները խախտել են հրադադարը՝ հաղորդելով անկլավի հարավում գտնվող Ռաֆահ քաղաքի տարածքում տեղի ունեցած միջադեպի մասին, որտեղ իսրայելցի զինվորների վրա կրակ են բացել։
