Կատարը դատապարտում է Իսրայելի կողմից Գազայի հատվածում հրադադարի շարունակական խախտումները, հայտարարել է արաբական պետության ղեկավար շեյխ Թամիմ բին Համադ ալ Թանին։
«Վերջին երկու տարիների ընթացքում Գազայի հատվածում տեղի ունեցածը ցեղասպանություն է: Ցավոք, միջազգային հանրությունը չի կարողացել պահպանել միջազգային իրավունքը, երբ խոսքը վերաբերում է եղբայրական պաղեստինյան ժողովրդի տառապանքներին:
«Մենք դատապարտում ենք Իսրայելի բոլոր հանցագործությունները Պաղեստինում, մասնավորապես՝ Գազայի հատվածի վերածումը բնակության համար անպիտան տարածքի, ինչպես նաև հրադադարի շարունակական խախտումները և բնակավայրերի ընդլայնումը Արևմտյան ափին», - նշել է Կատարի էմիրը՝ ելույթ ունենալով Խորհրդատվական խորհրդի հերթական նիստի բացմանը։
