Կանադայի վարչապետ Մարկ Քարնին խոստացել է ձերբակալել Իսրայելի վարչապետ Բենիամին Նեթանյանին Միջազգային քրեական դատարանի (ICC) կողմից տրված ձերբակալման օրդերով, եթե նա հայտնվի Կանադայում։ Կանադական Toronto Sun թերթը կարծում է, որ նա կրկին վտանգել է ազգային շահերը անձնական հայացքների համար։
Bloomberg-ին տված հարցազրույցում, երբ հաղորդավարը հարցրել է, թե արդյոք Քարնիի կառավարությունը պատրաստ կլինի կատարել Միջազգային քրեական դատարանի օրդերը և ձերբակալել Նեթանյահուին, եթե նա ժամանի Կանադա, Քարնին վճռականորեն պատասխանել է՝ այո։
«Սա առաջին դեպքը չէ, երբ Քարնին թույլ է տալիս, որ իր անձնական հայացքները վտանգեն Կանադայի ազգային շահերը։ Քարնին պետք է սկսի մի կողմ դնել իր անձնական հայացքները և Կանադան առաջնային տեղում դնել, հակառակ դեպքում մենք բոլորս կտուժենք», - գրում է Toronto Sun-ը։
