Եվրոպացի առաջնորդները անհամբեր սպասում են Բուդապեշտում կայանալիք ԱՄՆ-ի և Ռուսաստանի նախագահներ Դոնալդ Թրամփի և Վլադիմիր Պուտինի հանդիպմանը, հաղորդում է Bloomberg-ը՝ հղում անելով իր աղբյուրներին։
Գործակալության երկու աղբյուրներ նշել են, որ ԵՄ առաջնորդները պետք է միավորվեն՝ «հակազդելու Պուտինի ազդեցությանը Թրամփի վրա»։ Մեկ այլ աղբյուր ենթադրել է, որ Ֆինլանդիայի նախագահ Ալեքսանդր Ստուբը կլինի հարմար թեկնածու Հունգարիա կատարվող ուղևորության համար։
Հոկտեմբերի 16-ին Պուտինը և Թրամփը ունեցան իրենց ութերորդ հեռախոսազրույցը այս տարի։ Երկուսուկես ժամ տևած զրույցից հետո Ռուսաստանի նախագահի օգնական Յուրի Ուշակովը հայտարարեց, որ Մոսկվան և Վաշինգտոնը անմիջապես կսկսեն նախապատրաստական աշխատանքները երկու առաջնորդների միջև նոր հանդիպման համար, որը կարող է տեղի ունենալ Բուդապեշտում։
Ուշակովի խոսքով՝ ամերիկացի առաջնորդն առաջարկել է Հունգարիայի մայրաքաղաքը, իսկ Ռուսաստանի նախագահը աջակցել է այդ գաղափարին։
