ԱՄՆ նախագահ Դոնալդ Թրամփը Հունգարիան անվանել է անվտանգ վայր Ռուսաստանի առաջնորդ Վլադիմիր Պուտինի հետ հանդիպման համար։ Թրամփը այս դիրքորոշումը ներկայացրել է Սպիտակ տանը Վլադիմիր Զելենսկու հետ հանդիպման սկզբում լրագրողների հարցերին պատասխանելիս։
«Մեզ դուր է գալիս Հունգարիայի վարչապետ Վիկտոր Օրբանը։ Պուտինը սիրում է նրան, ինձ դուր է գալիս։ Սա անվտանգ երկիր է, նրանք շատ լավ աշխատանք են կատարում», - ասել է Թրամփը՝ ի պատասխան Ռուսաստանի նախագահի հետ առաջիկա հանդիպման վայրի ընտրության վերաբերյալ պարզաբանումներ տալու խնդրանքի։
«Օրբանը շատ լավ առաջնորդ է երկրի կառավարման հարցում։ Նրա երկիրը այնքան էլ խնդիրներ չունի, որքան մյուս երկրները։ Ահա թե ինչու մենք որոշեցինք ընտրել Վիկտոր Օրբանին, և կարծում եմ, որ նա մեզ շատ լավ ընդունելություն կցուցաբերի», - ընդգծել է ամերիկացի նախագահը։
Հինգշաբթի՝ հոկտեմբերի 16-ին, Պուտինի հետ հեռախոսազրույցից հետո Թրամփը հայտարարեց, որ նրանք համաձայնել են շուտով հանդիպել Բուդապեշտում: Ավելի ուշ Թրամփը նշեց, որ հանդիպումը կարող է տեղի ունենալ երկու շաբաթվա ընթացքում:
