Մոնղոլիայի Մեծ Խուրալի (խորհրդարանի) պատգամավորների մեծամասնությունը քվեարկել է վարչապետ Գոմբոջավին Զանդանշատարին պաշտոնից ազատելու առաջարկի օգտին: Այս մասին հայտնել է խորհրդարանի մամուլի ծառայությունը:
«Հոկտեմբերի 17-ին խորհրդարանի լիագումար նիստին ներկա 111 անդամներից 71-ը հավանություն տվեցին Մոնղոլիայի վարչապետ Գոմբոջավին Զանդանշատարին պաշտոնից ազատելու որոշմանը: Հոկտեմբերի 7-ին խորհրդարանի ավելի քան 50 անդամ ստորագրեց և պաշտոնապես ներկայացրեց նրա հրաժարականի պահանջը», - ասվում է հայտարարության մեջ:
Մինչև նոր վարչապետի նշանակումը, կառավարության ղեկավարի պաշտոնակատարը կլինի Գոմբոջավին Զանդանշատարը։
Ավելի վաղ հրաժարական էր տվել խորհրդարանի խոսնակ Դաշգեգվին Ամարբայասգալանը։ Նա կարծում է, որ երկրում առկա քաղաքական ճգնաժամը սկսվել է պարտված Մոնղոլական ժողովրդական կուսակցության նախագահ Գոմբոջավին Զանդանշատարի և նրա որոշ գործընկերների պարտությունը ընդունելու անկարողությունից։
