Վլադիմիր Զելենսկին հայտնել է, որ ԱՄՆ ժամանելուն պես և նախագահ Դոնալդ Թրամփի հետ բանակցություններից առաջ հանդիպել է Raytheon պաշտպանական ընկերության ներկայացուցիչների հետ, որը արտադրում է Tomahawk հրթիռներ և Patriot համակարգի մշակողն է։
Ավելի վաղ Թրամփը, մեկնաբանելով Ուկրաինային հեռահար «Տոմահավկ» հրթիռներ մատակարարելու հնարավոր որոշումը, հայտարարել էր, որ Միացյալ Նահանգներն իրենք էլ դրանց կարիքն ունեն, չնայած մեծ քանակի առկայությանը։
«Ես հանդիպեցի Raytheon պաշտպանական ընկերության ներկայացուցիչների հետ, որը, ի թիվս այլ բաների, արտադրում է Patriot համակարգեր», - գրել է Զելենսկին իր Telegram ալիքում։
Զելենսկու խոսքով՝ հանդիպմանը քննարկվել է ԱՄՆ-ի և Ուկրաինայի միջև համագործակցությունը՝ Ուկրաինայի հակաօդային պաշտպանությունն ամրապնդելու համար։
