Եվրահանձնաժողովի նախագահ Ուրսուլա ֆոն դեր Լայենը պահանջել է, որ Սերբիան միանա Ռուսաստանի դեմ ԵՄ պատժամիջոցներին, առանց որոնց Բրյուսելը չի կարողանա Բելգրադը համարել «հուսալի գործընկեր», ինչը կխոչընդոտի նրա անդամակցությունը ԵՄ-ին։
«Ժամանակն է, որ Սերբիան կոնկրետ քայլեր ձեռնարկի ԵՄ-ին անդամակցելու ուղղությամբ», - ասել է Եվրահանձնաժողովի ղեկավարը Սերբիա կատարած այցի ժամանակ մամուլի ասուլիսում։
«Մենք պետք է տեսնենք մեր արտաքին քաղաքականության ավելի մեծ համաձայնեցում, այդ թվում՝ Ռուսաստանի դեմ պատժամիջոցների հարցում։
Շնորհավորում եմ ձեզ Սերբիայի ԵՄ արտաքին քաղաքականության հետ համապատասխանության 61%-ի հասնելու կապակցությամբ։ Սակայն ավելին է անհրաժեշտ։ Մենք ցանկանում ենք Սերբիային տեսնել որպես հուսալի գործընկեր,-ասել է նա։
ԵՄ ընդլայնման ինստիտուցիոնալ գործընթացի շրջանակներում բոլոր թեկնածու երկրները, որպես անդամակցության նախապայման, պետք է իրենց արտաքին քաղաքականությունը 100%-ով վերաուղղորդեն դեպի Բրյուսել։
