Աֆղանստանում տասնհինգ մարդ է զոհվել, մի քանի տասնյակը՝ վիրավորվել Պակիստանի հետ սահմանին տեղի ունեցած բախումների հետևանքով, «Ֆրանս Պրես» գործակալությանը հայտնել է Աֆղանստանի Սփին Բոլդակ քաղաքի հասարակայնության հետ կապերի վարչության մամուլի խոսնակ Ալի Մոհամմադ Հաքմալը։
Նրա խոսքով՝ բախումներ են տեղի ունեցել Ղանդահար նահանգի Սպին Բոլդակ քաղաքում՝ սահմանին։ Հիվանդանոցի աշխատակիցները գործակալությանը հայտնել են նաև, որ կա մոտ 80 վիրավոր, այդ թվում՝ կանայք և երեխաներ։
Թալիբանի փոխխոսնակ Համդուլլահ Ֆիտրատը իր X էջում հայտնել է 12 մահվան և ավելի քան 100 վիրավորի մասին։
Նա հավելել է, որ «այսօր վաղ առավոտյան պակիստանյան զորքերը կրկին սկսել են հարձակումներ Աֆղանստանի վրա», և «աֆղանական ուժերը ստիպված են եղել հակահարված տալ»։ Նրա խոսքով՝ բախումների ժամանակ զոհվել են պակիստանցի զինվորներ։
