Գազայի հատվածի վերակառուցման համար կպահանջվի 70 միլիարդ դոլարի ֆինանսավորում, հայտարարել է ՄԱԿ-ի զարգացման ծրագրի (ՄԱԶԾ) Պաղեստինի ժողովրդին օգնության ղեկավարի հատուկ ներկայացուցիչ Ժակո Սիլիերսը։
«Գազայի հատվածի վերակառուցման արժեքը գնահատվում է 70 միլիարդ դոլար», - ասել է նա Ժնևում կայացած ճեպազրույցի ժամանակ։
Նրա խոսքով՝ այս տարվա մարտին Համաշխարհային բանկը պահանջվող ներդրումը գնահատել էր 23 միլիարդ, սակայն այդ ժամանակից ի վեր Իսրայելի շարունակական ռազմական գործողությունների, այդ թվում՝ Գազա քաղաքի զգալի ավերածությունների պատճառով, վերականգնման արժեքը զգալիորեն աճել է։
