Թուրքիան ակնկալում է, որ Գազայում հրադադարը կլինի մշտական և առանց խախտումների, հայտարարել է Թուրքիայի նախագահ Ռեջեփ Թայիփ Էրդողանը։
Երկուշաբթի օրը ԱՄՆ նախագահ Դոնալդ Թրամփը, Եգիպտոսի նախագահ Աբդել Ֆաթթահ աս-Սիսին, Թուրքիայի նախագահ Ռեջեփ Թայիփ Էրդողանը և Կատարի էմիր շեյխ Թամիմ բին Համադ ալ-Թանին Շարմ էլ Շեյխում կայացած գագաթնաժողովում ստորագրել են Գազայի հատվածի շուրջ հակամարտության խաղաղ կարգավորման վերաբերյալ համապարփակ փաստաթուղթ։
Նախևառաջ, կարևոր է, որ այս հրադադարը լինի մշտական, և խախտումներ չլինեն։ Ինչպես գիտեք, Իսրայելը վատ ցուցանիշներ ունի հրադադարի խախտման հարցում։ Սա մեզ ստիպում է ավելի զգույշ և ուշադիր լինել։ Թուրքիան, Միացյալ Նահանգները և այլ երկրներ վճռականորեն տրամադրված են պաշտպանել այս հրադադարը», - ասել է Թուրքիայի առաջնորդը Եգիպտոսից վերադառնալուց հետո ինքնաթիռում լրագրողներին։
Նրա խոսքով՝ Իսրայելը հասկանում է, որ «եթե վերադառնա ցեղասպանության, դրա գինը բարձր կլինի»։
