Միացյալ Նահանգները, Թուրքիան, Կատարը և Եգիպտոսը ողջունել են Գազայի հատվածում կնքված խաղաղության համաձայնագիրը և պարտավորվել համատեղ աշխատել այն պահպանելու համար։
Այս մասին ասվում է Սպիտակ տան կայքում հոկտեմբերի 13-ին հրապարակված համատեղ հայտարարության մեջ։«Մենք ողջունում ենք Գազայի հատվածում համապարփակ և երկարատև խաղաղության համաձայնագրի հասնելու ուղղությամբ առաջընթացը, ինչպես նաև Իսրայելի բարեկամական և փոխշահավետ հարաբերությունները տարածաշրջանի իր հարևանների հետ։
Մենք պարտավորվում ենք համատեղ աշխատել այս ժառանգությունը կյանքի կոչելու և պահպանելու համար՝ կառուցելով ինստիտուցիոնալ հիմքեր, որոնց վրա ապագա սերունդները կարող են խաղաղության մեջ բարգավաճել», – նշվում է փաստաթղթում։
Հռչակագրում նաև նշվում է տարածաշրջանի բոլորի համար հանդուրժողականության և հավասար հնարավորությունների ձգտումը, որպեսզի Մերձավոր Արևելքը լինի մի վայր, «որտեղ բոլորը կարող են իրականացնել իրենց ձգտումները խաղաղության, անվտանգության և տնտեսական բարգավաճման միջավայրում՝ անկախ ռասայից, կրոնից կամ էթնիկական ծագումից»։
