Անկարգությունների մեջ հայտնված Մադագասկարի նախագահ Անդրի Ռաջոելինան երկիրը լքել է ֆրանսիական ռազմական ինքնաթիռով, հաղորդում է RFI ռադիոն՝ հղում անելով տեղեկացված աղբյուրներին։
Ավելի վաղ Jeune Afrique ամսագիրը, վկայակոչելով աղբյուրներին, հայտնել էր, որ Ռաջոելինան հեռացել է Անտանանարիվոյից բողոքի ակցիաների ֆոնին։
Այն ժամանակ նախագահի աշխատակազմը հերքեց տեղեկատվությունը։ Սակայն երկուշաբթի առավոտյան Հանրային անվտանգության նախարարությունը «Ռոյթերս»-ին հայտնեց, որ նախագահի գտնվելու վայրը անհայտ է։
RFI-ի տվյալներով՝ կիրակի օրը ուղղաթիռը Ռաջոելինային հասցրել է Մադագասկարի արևելյան ափին գտնվող Սենտ-Մարի կղզի, որտեղից նա ֆրանսիական ռազմական ինքնաթիռով ուղևորվել է Ռեյունյոն կղզու ֆրանսիական արտասահմանյան տարածք, որտեղից նա և իր ընտանիքը մեկնել են Մավրիկիոս կամ Դուբայ (ԱՄԷ):
