Իսրայելական «Պատանդների ընտանիքների ֆորում» ոչ կառավարական կազմակերպությունը հայտարարել է, որ տեղեկություններ է ստացել պաղեստինյան ՀԱՄԱՍ շարժման կողմից այսօր Գազայից 28 զոհված պատանդներից միայն չորսի մարմինները վերադարձնելու մտադրության մասին՝ սա անվանելով համաձայնագրի խախտում։
«Պատանդների ընտանիքները ցնցված և սարսափած էին այն լուրից, որ ՀԱՄԱՍ-ը մտադիր է այսօր վերադարձնել 28 զոհերից միայն չորսի դիակները։ Սա ՀԱՄԱՍ-ի կողմից համաձայնագրի կոպիտ խախտում է։
Մենք ակնկալում ենք Իսրայելի կառավարությունից և միջնորդներից անհապաղ գործողություններ՝ այս հրեշավոր անօրինությունը շտկելու համար», - ասվում է կազմակերպության հայտարարության մեջ։
