Նստակյաց կենսակերպը 50 տարեկանից փոքր մարդկանց շրջանում հաստ աղիքի քաղցկեղի դեպքերի աճի հիմնական գործոն է, այս մասին ասել է Սենթ Լուիսի (ԱՄՆ) Վաշինգտոնի համալսարանի վիրաբուժության և բժշկության ամբիոնի դոցենտ Յին Ցաոն՝ Daily Mail-ին տված հարցազրույցում։
Մասնագետի խոսքով՝ տասնամյակներ շարունակ հաստ աղիքի քաղցկեղը համարվում էր տարեցների հիվանդություն, սակայն վերջին 30 տարիների ընթացքում դա փոխվել է. 1990-ականների սկզբից 25-ից 49 տարեկան մարդկանց մոտ ախտորոշված դեպքերի թիվը կրկնապատկվել է։
Ցաոն ընդգծել է, որ նստակյաց կենսակերպը այս միտման հիմնական պատճառն է։ Սակայն, ինչպես նշել է մասնագետը, նույնիսկ կանոնավոր ֆիզիկական վարժությունները չեն փոխհատուցում երկարատև նստած վիճակում առաջացած վնասը։
«Երիտասարդներն այժմ ավելի շատ ժամանակ են անցկացնում նստած, քան երբևէ», - նշել է ուռուցքաբանը։
Ֆիզիկական ակտիվության պակասից բացի, բժիշկը նշել է նաև այլ հնարավոր ռիսկի գործոններ՝ անհավասարակշիռ, ցածր մանրաթելային սննդակարգ, արագ սննդի և վերամշակված մսի ավելցուկ, ինչպես նաև շաքարային գազավորված ըմպելիքների ավելցուկ օգտագործում։ Մասնագետը նաև հաստ աղիքի քաղցկեղի հավանական պատճառներ է նշել ճարպակալումը, շաքարային դիաբետը, ալկոհոլի օգտագործումը (հատկապես դատարկ ստամոքսին) և շրջակա միջավայրի անբարենպաստ պայմանները։
Թարգմանությունը՝ Euromedia24.com-ի
