Գերմանիայի կանցլեր Ֆրիդրիխ Մերցը պաղեստինյան ՀԱՄԱՍ շարժման կողմից պատանդների ազատ արձակումը որակել է որպես «քայլ դեպի Մերձավոր Արևելքում խաղաղություն»։
«738 օր անց պատանդները վերադառնում են, որոնցից մի քանիսը գերմանացիներ են։ Երկու տարվա վախը, ցավը և հույսը մնացել են մեր ետևում», - գրել է Մերցը X-ում։
Նա ասել է, որ գերության մեջ զոհվածների մարմինները նույնպես պետք է վերադառնան տուն, որպեսզի նրանց ընտանիքները կարողանան արժանապատվորեն հրաժեշտ տալ նրանց»։
«Այս օրը սկիզբ է. ապաքինման սկիզբ և Մերձավոր Արևելքում խաղաղության հասնելու քայլ», - ընդգծել է Գերմանիայի կանցլերը։
Ավելի վաղ Կարմիր խաչի միջազգային կոմիտեի (ԿԽՄԿ) աշխատակիցները Գազայի հատվածում իսրայելական ուժերին հանձնեցին 13 պատանդներից բաղկացած երկրորդ խումբը։ Նրանք այժմ ճանապարհին են դեպի Իսրայել։
Երկուշաբթի օրը նույն կերպ ազատ արձակվեցին յոթ առևանգվածներ, որոնք արդեն ժամանել էին Իսրայելի տարածք։ Սա նշանակում է, որ Գազայում պատանդ մնացած բոլոր 20 իսրայելցիներն ազատ են արձակվել։
