Եմենի հյուսիսը կառավարող շիաների ռազմաքաղաքական շարժում «Անսար Ալլահ» (հութիներ) շարժումը կդադարեցնի Իսրայելի հրետակոծությունը և Կարմիր ծովում նավերի վրա հարձակումները, եթե Իսրայելը պահպանի Գազայի հատվածում հրադադարի մասին համաձայնագիրը, «ՌԻԱ Նովոստի»-ին ասել է «Անսար Ալլահ» քաղաքական բյուրոյի անդամ Խուզամ ալ-Ասադը։
«Մեր ռազմական գործողությունները կդադարեցվեն, եթե իսրայելցի թշնամին պահպանի համաձայնագիրը (հրադադարի մասին – խմբ.), բայց մենք կշարունակենք հետևել դրա կատարմանը», – ասել է ալ-Ասադը։
Նա հավելել է, որ եթե Իսրայելը վերսկսի իր ագրեսիան և շրջափակումը Գազայի ժողովրդի դեմ, ապա իրենք կվերսկսեն ռազմական գործողությունները «ավելի ինտենսիվ տեմպերով…»։
Գազայի հատվածում մարտական գործողությունները դադարեցին ուրբաթ կեսօրին։ Մինչ այդ, պաղեստինյան ՀԱՄԱՍ շարժումը և Իսրայելը համաձայնության եկան իրականացնել հակամարտության դադարեցման ծրագրի առաջին փուլը։
