Հանրային շարժման «Ժողովրդի ձայն» ղեկավար Սերգեյ Զայցևը հանդես է եկել առաջարկով՝ զրկել երգչուհի Ալլա Պուգաչովային պետական թոշակից։ Այս մասին նա հայտնել է «Абзац»-ին տված հարցազրույցում։
Զայցևի խոսքով՝ այն անձինք, ովքեր «հեռացել են Ռուսաստանից և հանդես են գալիս հակառուսական դիրքերից», չպետք է ստանան որևէ ֆինանսական աջակցություն այն պետությունից, որն իրենք բացահայտորեն քննադատում են։ «Ինչու՞ պետք է երկիրը, որին նրանք վարկաբեկում են, շարունակի նրանց պահել սեփական հարկատուների հաշվին», — նշել է նա։Հասարակական գործիչը ընդգծել է, որ Պուգաչովային թոշակից զրկելու հարցը «պետական արժանապատվության և արդարության հարց» է։ Ավելի վաղ հաղորդվել էր, որ 76-ամյա երգչուհին ստանում է ավելի քան 60 հազար ռուբլի ամսական՝ ներառյալ ժողովրդական արտիստի կոչման համար տրվող հավելավճարը։
