Ուկրաինան և Մեծ Բրիտանիան ստորագրել են ռազմական համագործակցության ընդլայնման մասին փաստաթուղթ, հայտարարել է Ուկրաինայի պաշտպանության նախարար Դենիս Շմիգալը։
Միջազգային պաշտպանական արդյունաբերության ֆորումի շրջանակներում Մեծ Բրիտանիայի պաշտպանության պետքարտուղարի և Ուկրաինայի պաշտպանության նախարարության միջև ստորագրվել է մտադրությունների մասին հայտարարություն՝ LYRA ծրագրի վերաբերյալ, որը մարտադաշտի տեխնոլոգիաների ոլորտում գործընկերություն է։
«Փաստաթղթում ուրվագծվում է կողմերի մտադրությունը՝ համատեղ մշակել և ընդլայնել պաշտպանական տեխնոլոգիաները։ Մասնավորապես, մեր երկրները համաձայնել են ստեղծել աշխատանքային խումբ, որը կհամակարգի ծրագրի շրջանակներում համատեղ նախագծերը», - գրել է նա Telegram-ում։
Շմիգալը նշել է, որ, մասնավորապես, նախատեսվում է համատեղ հրետանու արտադրություն։
