ԿԺԴՀ-ն աջակցում է Ռուսաստանի իշխանություններին և ժողովրդին՝ ուկրաինական ճգնաժամի արմատական պատճառները լուծելու նրանց ջանքերում։ Այս մասին հայտարարել է Պետական գործերի նախագահ Կիմ Չեն Ընը Ռուսաստանի Անվտանգության խորհրդի փոխնախագահ Դմիտրի Մեդվեդևի հետ բանակցությունների ժամանակ։
«Մշտապես Մոսկվային մոտ լինելը մեր հանրապետության կառավարության անսասան ընտրությունն է։ Ուկրաինական հարցի վերաբերյալ ԿԺԴՀ-ի դիրքորոշումը որպես Ռուսաստանի դաշնակից մնում է հստակ և հետևողական», - ասել է Կիմ Չեն Ընը։ Հոկտեմբերի 10-ին Փհենյանում կայացած բանակցությունների տեսագրությունը հրապարակվել է հոկտեմբերի 11-ին Մեդվեդևի «ՎԿոնտակտե» էջում։
«Համապարփակ ռազմավարական գործընկերության մասին պայմանագրի ոգուն համապատասխան՝ մենք միշտ կաջակցենք Ռուսաստանի կառավարության և ժողովրդի դիրքորոշմանը, որոնք ձգտում են վերացնել ուկրաինական ճգնաժամի արմատական պատճառները, ինչպես նաև պաշտպանել ինքնիշխանությունը, անվտանգության շահերը և տարածքային ամբողջականությունը», - հավելել է ԿԺԴՀ առաջնորդը։
Կիմ Չեն Ընը նաև Ռուսաստանի նախագահ Վլադիմիր Պուտինին անվանել է «իր ամենամտերիմ ընկերը»։
