Մանուել Նոյերը կարող է վերադառնալ Գերմանիայի ազգային հավաքական, գրում է Bayern & Germany-ն՝ հղում կատարելով Bild-ին։
39-ամյա դարպասապահը հավաքական կվերադառնա միայն այն դեպքում, եթե իր հետ կապ հաստատի անձամբ գլխավոր մարզիչ Յուլիան Նագելսմանը։
Վետերանը հենց Նագելսմանից է ցանկանում լսել, որ իր օգնության կարիքն ունի։
Նագելսմանն ու Նոյերը 2021-23 թթ. միասին աշխատել են «Բավարիայում», սակայն լավ հարաբերություններ չեն ունեցել։ Նրանք շփվում էին միայն գործնական մակարդակում։
Նոյերը Գերմանիայի հավաքականից հեռացել է 2024թ. ամռանը։ Նա ազգային թիմում 124 խաղից 51-ում դարպասը պահել է անառիկ։
