Կաթողիկոսն ընդունել է Անգլիկան-Արևելյան Ուղղափառ եկեղեցիների միջազգային հանձնախմբի անդամներին

24.10 17:28 | Կատեգորիա Հասարակություն

Մայր Աթոռից հայտնում են, որ Ամենայն Հայոց Կաթողիկոսն ընդունել է Անգլիկան-Արևելյան Ուղղափառ եկեղեցիների միջազգային հանձնախմբի անդամներին«Հոկտեմբերի 24-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Անգլիկան-Հին Արևելյան Ուղղափառ եկեղեցիների միջազգային հանձնախմբի անդամներին՝ ուղեկցությամբ Մայր Աթոռի Միջեկեղեցական հարաբերությունների բաժնի տնօրեն Հոգեշնորհ Տ․ Գարեգին վարդապետ Համբարձումյանի։

Հանդիպման սկզբում Մեծ Բրիտանիայի և Իռլանդիայի հայոց թեմի առաջնորդ, հանձանխմբի անդամ Գերաշնորհ Տ․ Հովակիմ եպիսկոպոս Մանուկյանը Նորին Սրբությանը ներկայացրեց հանձնախմբի համանախագահներ Իռլանդիայի Անգլիկան Եկեղեցու առաջնորդ արքեպիսկոպոս Մայքլ Ջեքսոնին, Ղպտի Ուղղափառ Եկեղեցու Լոնդոնի թեմի առաջնորդ Անգելոս արքեպիսկոպոսին և հանձնախմբի անդամներին` տեղեկություններ փոխանցելով հանձնախմբի աշխատանքների ընթացքի մասին։

Վեհափառ Հայրապետը ողջունեց հանձնախմբի հերթական ժողովի գումարումը Մայր Աթոռում` կարևորելով եկեղեցիների միջև երկխոսությունն ու գործակցությունն ի նպաստ մարդկության առջև ծառացած մերօրյա մարտահրավերների հաղթահարման։ Այս առնչությամբ Նորին Սրբությունը հաստատեց, որ Հայ Եկեղեցին մշտապես պատրաստակամ է ըստ ամենայնի աջակցելու նման նախաձեռնություններին։

Հանդիպմանը Հայոց Հայրապետը, անդրադառնալով Հայաստանի ու հայրենազրկված արցախահայության առջև ծառացած դժվարություններին, ինչպես և Արցախի հոգևոր-մշակութային ժառանգության անաղարտ պահպանության ու գերիների վերադարձման խնդիրներին, կարևոր նկատեց քրիստոնեական եկեղեցիների միասնական հետևողական ջանքերի ներդրումը դրանց հաղթահարման և արդարության հաստատման գործում։Նորին Սրբությունը նաև իր գնահատանքը հայտնեց Քույր Եկեղեցիներին այս ծանր ու դժվարին օրերին հայ ժողովրդին ու Հայաստանին ցուցաբերվող աջակցության և զորակցության համար։Հանդիպմանը հանձնախմբի անդամները, շնորհակալություն հայտնելով Ամենայն Հայոց Կաթողիկոսին Սուրբ Էջմիածնում հյուրընկալության և հանձնախմբի աշխատանքներին աջակցելու համար, կիսվեցին Մայր Աթոռից և Հայաստանից ստացած իրենց տպավորություններով։

Հյուրերն ընդգծեցին, որ այցի շրջանակներում առիթ ուենցան նաև ի մոտո ծանոթանալու տեղահանված արցախահայերի դժվարին կացությանը՝ իրենց համերաշխությունն ու զորակցությունը բերելով հայ ժողովրդին»։

Ամենաշատ կարդացվածներ

Թրամփը սպառնացել է նաև Հնդկաստանին

06.01 00:00 | Կատեգորիա Համաշխարհային

Սա մեր կիսագունդն է. ԱՄՆ Պետքարտուղարություն

06.01 00:14 | Կատեգորիա Համաշխարհային

Դելսի Ռոդրիգեսը երդվել է որպես Վենեսուելայի նախագահի ժամանակավոր պաշտոնակատար

05.01 23:46 | Կատեգորիա Համաշխարհային

ՔՊ-ական Գարիկ Սարգսյանի անադեկվատ պահվածքը եկեղեցու բակում (տեսանյութ)

06.01 17:59 | Կատեգորիա Քաղաքական

Դպրոցի ՔՊ-ական տնօրենը՝ Փաշինյանի կազմակերպած «ուխտերթի» առաջամարտիկ (տեսանյութ)

06.01 17:50 | Կատեգորիա Քաղաքական

Լավ եմ արել միացել եմ, դուք ո՞վ եք, որ ես ձեզ ասեմ, թե ինչի եմ միացել. Խաչատուր Սուքիասյան (տեսանյութ)

06.01 17:18 | Կատեգորիա Քաղաքական

Էրդողանը Թրամփի հետ քննարկել է Վենեսուելայում ստեղծված իրավիճակը

06.01 01:40 | Կատեգորիա Համաշխարհային

Կադիրովի 20-ամյա որդին նշանակվել է Չեչնիայի փոխվարչապետ

06.01 01:22 | Կատեգորիա Համաշխարհային

Թրամփը հայտարարել է, որ առանց իր մասնակցության Ռուսաստանը կգրավեր ամբողջ Ուկրաինան։

07.01 19:27 | Կատեգորիա Մամուլ

ՈՒՂԻՂ