Խորվաթիայի մայրաքաղաք Զագրեբում ընթացող ըմբշամարտի աշխարհի առաջնության քառորդ եզրափակչում Հայաստանի ներկայացուցիչ Արման Անդրեասյանը 8:6 հաշվով հաղթել է ադրբեջանցի մրցակցին և դուրս եկել կիսաեզրափակիչ, որտեղ կմրցի ճապոնացի ըմբիշի հետ:
Այս մասին հայտնել է Հայաստանի ըմբշամարտի ֆեդերացիան:
Սեպտեմբերի 13-ին պայքարի մեջ կմտնեն 61, 70, 86 և 125 կգ քաշային ըմբիշները։
Հայաստանն ունի երկու ներկայացուցիչ. 61 կգ քաշային Մանվել Խնձրցյանի առաջին մրցակիցը իտալացի Պրոդուն է, իսկ 70 կգ քաշային Արման Անդրեասյանը մեկնարկել է տաջիկ Ռասսադինի հետ պայքարով։ Երկուսն էլ պայքարը սկսում են որակավորման փուլից:
Հիշեցնենք՝ ազատ ոճի ըմբշամարտի Հայաստանի հավաքականը հանդես կգա հետևյալ կազմով.
57 կգ Արսեն Հարությունյան
61 կգ Մանվել Խնձրցյան
65 կգ Վազգեն Թևանյան
70 կգ Արման Անդրեասյան
74 կգ Հրայր Ալիխանյան:
