Սրտի և արյան անոթների ծերացման տեմպի վրա ազդում է ոչ միայն մարմնի ճարպի քանակը, այլև դրա տեղակայումը։ Այս եզրակացությանն են հանգել բրիտանացի հետազոտողները։ Աշխատանքի արդյունքները հրապարակվել են European Heart Journal (EHJ) ամսագրում։
Ուսումնասիրությանը մասնակցել են ավելի քան 21 հազար չափահաս կամավորներ, որոնք չունեին միոկարդի պաթոլոգիաներ։ Գիտնականները մեքենայական ուսուցման մեթոդներ են օգտագործել՝ գնահատելու «սրտաբանական տարիքը»՝ մարդու իրական տարիքի և նրա սրտի ու արյան անոթների վիճակի միջև եղած տարբերությունը։
Առողջության համար ամենավտանգավորներն էին ներքին օրգանները շրջապատող ընդերային ճարպը, մկանների ճարպային ներթափանցումը (միոստեատոզ) և լյարդում լիպիդային նստվածքները։ Այս գործոնները արագացրել են սրտանոթային համակարգի ծերացումը և՛ տղամարդկանց, և՛ կանանց մոտ։
Միևնույն ժամանակ, ճարպի բաշխումը տարբեր ազդեցություն է ունեցել՝ կախված սեռից։ Տղամարդկանց մոտ միոկարդի վաղաժամ մաշվածությունը հրահրվել է որովայնի ճարպի և մարմնի ստորին հատվածում ճարպային նստվածքների պատճառով։ Կանանց մոտ ազդրերի և հետույքի ճարպի կուտակումը պաշտպանիչ ազդեցություն է ունեցել։
Թարգմանությունը՝ Euromedia24.com-ի
