ԱՄՆ պետքարտուղար Մարկո Ռուբիոն կարծում է, որ Ուկրաինայում հակամարտության դադարեցման ցանկացած համաձայնագիր կպահանջի երկու կողմերից էլ զիջումներ անել, և նման արդյունքը կարող է «նույնիսկ անարդար» լինել։«Պատերազմը դադարեցնելու ցանկացած բանակցություն կպահանջի երկու կողմերից էլ տալ, այլ ոչ թե պարզապես ստանալ։
Ըստ էության, այստեղ ոչ մի կողմ 100 տոկոս չի ստանա։ Յուրաքանչյուր կողմ ստիպված կլինի որոշակի զիջումների գնալ», – երկուշաբթի օրը Fox News-ին ասել է Ռուբիոն։
Նա նշել է, որ տարածքային հարցերը անխուսափելիորեն կլինեն այդ զրույցի մաս։ «Դա հեշտ չէ, և գուցե նույնիսկ արդարացի չէ, բայց դա այն է, ինչ անհրաժեշտ է պատերազմն ավարտելու համար», -ասել է պետքարտուղարը։
