Ուկրաինայի անվտանգության երաշխիքները, ինչպես սպասվում է, կձևակերպվեն և թղթի վրա կդրվեն 7-10 օրվա ընթացքում։ Այս մասին հայտարարել է Վլադիմիր Զելենսկին Վաշինգտոնում կայացած բանակցություններից հետո։«Այս ամենը ինչ-որ կերպ կամրագրվի թղթի վրա 7-10 օրվա ընթացքում», -ասել է նա։
Զելենսկին մանրամասնել է, որ երաշխիքները ունեն երեք հիմնական բաղադրիչ՝ ուկրաինական բանակի զինումը, դաշնակիցների պարտավորությունները և Ուկրաինայի ռազմարդյունաբերական համալիրի զարգացումը։Նա հավելել է, որ դեռ վաղ է խոսել այն մասին, թե ինչ տեսք կունենան երաշխիքները, մասնավորապես՝ արդյոք դրանք կներառեն Ուկրաինայում օտարերկրյա զորքերի տեղակայումը։
