Կիևի իշխանությունները և եվրոպացի առաջնորդները կարող են դառնալ Ուկրաինայի հակամարտության կարգավորման շուրջ բանակցությունների հաջող ավարտի գլխավոր խոչընդոտը, գրում է CNN-ը։
Հոդվածում նշվում է, որ օգոստոսի 18-ին Սպիտակ տանը Ռուսաստանի և Ուկրաինայի միջև տարածքային փոխանակման վերաբերյալ հնարավոր քննարկումը կարող է դառնալ «կարմիր գիծ», որը Կիևը և նրա դաշնակիցները չեն համաձայնի հատել։
Ինչպես գրում է հեռուստաալիքը, այս դիրքորոշումը կխանգարի «ԱՄՆ նախագահ Դոնալդ Թրամփի կողմից աջակցվող արագ համաձայնագրի» ձեռքբերմանը, և Ուկրաինան ու եվրոպական առաջնորդները «ռիսկի են դիմում ներկայանալու որպես խաղաղության իրական խոչընդոտ»։
Օգոստոսի 18-ին ԱՄՆ նախագահ Դոնալդ Թրամփը Վաշինգտոնում հանդիպում կունենա Վլադիմիր Զելենսկիի հետ։ Նրա հետ ԱՄՆ կմեկնեն մի շարք եվրոպացի առաջնորդներ։ Ինչպես հաղորդում է NBC News-ը, Վաշինգտոնում կայանալիք հանդիպումը, ի թիվս այլ հարցերի, նվիրված կլինի Ուկրաինայի համար հնարավոր անվտանգության երաշխիքների քննարկմանը։
