ԱՄՆ նախագահ Դոնալդ Թրամփը փորձում է կազմակերպել Ռուսաստանի նախագահ Վլադիմիր Պուտինի և Վլադիմիր Զելենսկիի հանդիպումը՝ հավատալով, որ դա կհարթի Ուկրաինայում խաղաղության հաստատման ճանապարհը, հաղորդում է Axios-ը՝ հղում անելով ամերիկացի առաջնորդի անանուն օգնականներին։
«Մնացած ամեն ինչ նախաբան է։ Մնացած ամեն ինչ ուղղված է խաղաղության այս պահին հասնելուն», - ասել է Թրամփի խորհրդականը։ Axios-ի աղբյուրների համաձայն՝ Պուտինի և Զելենսկիի միջև անձնական հանդիպմանը սպասում են ոչ միայն ԱՄՆ պետքարտուղար Մարկո Ռուբիոն և Սպիտակ տան հատուկ դեսպանորդ Սթիվ Ուիթքոֆըը, այլև ինքը՝ Թրամփը։
«Գործարք կնքելու մի եղանակ կա. գնորդին և վաճառողին միաժամանակ հավաքել նույն սենյակում՝ այն քննարկելու համար։ Մենք փորձում ենք հասկանալ, թե արդյոք երկու կողմերն էլ ցանկանում են գործարք, ինչպիսի՞ն են գործարքի ուրվագծերը», - ասել է Թրամփի խորհրդականներից մեկը, որը ծանոթ է ուկրաինական ուղղությամբ բանակցություններին։
