Եվրոպացի առաջնորդները Սպիտակ տանը կայանալիք հանդիպման ժամանակ կփորձեն համոզել ԱՄՆ նախագահ Դոնալդ Թրամփին վերադարձնել Ռուսաստանի դեմ պատժամիջոցների հարցը օրակարգ, հաղորդում է The Daily Telegraph-ը՝ հղում անելով իր աղբյուրին։
Հրատարակության աղբյուրի խոսքով՝ եվրոպացիները ցանկանում են կրկին հրադադարի պահանջը արդիական դարձնել որպես խաղաղության բանակցությունների մեկնարկի պայման, իսկ սահմանափակումների սպառնալիքը որպես լծակ օգտագործել Մոսկվային համոզելու համար։
«Մենք պետք է հրադադարը վերադարձնենք քննարկման թեմային», - ասել է թերթի աղբյուրը։ Դա անելու լավագույն միջոցը, հավելել է նա, «փորձելն է համոզել ամերիկացիներին կրկին դիմել պատժամիջոցների սպառնալիքին»։
«Դեյլի Թելեգրաֆ»-ը նշում է, որ եվրոպացիների նման պահանջը կհակասի ԱՄՆ վարչակազմի ներկայիս դիրքորոշմանը։
Որպես օրինակ նրանք մեջբերում են ԱՄՆ պետքարտուղար, ԱՄՆ նախագահի ազգային անվտանգության հարցերով ժամանակավոր օգնական Մարկո Ռուբիոյի խոսքերը։ NBC հեռուստաընկերությանը տված հարցազրույցում նա ասել է, որ Վաշինգտոնի կողմից Ռուսաստանի դեմ նոր պատժամիջոցների կիրառումը կնշանակի, որ ԱՄՆ-ն այս փուլում անհնար է համարում ուկրաինական ճգնաժամի կարգավորումը բանակցությունների միջոցով։
