Առաջիկա շաբաթը՝ հոկտեմբերի 21-ից 27-ը, կարող է բարդ լինել եղանակային պայմանների նկատմամբ զգայուն մարդկանց համար։ Մասնագետները չեն բացառում նկատելի մագնիսական փոթորիկների հավանականությունը։ Հաջորդ շաբաթ սպասվում են «ճոճանակներ»՝ տիեզերական եղանակն անընդհատ փոխվելու է։ Ինչպես պատրաստվել այս անակնկալներին և ինչ միջոցներ ձեռնարկել լավ զգալու համար։ Հաջորդ շաբաթ արեգակնային ակտիվությունը բավականին բարձր կմնա, NEWS.ru-ին հայտնել է ՌԴ Գիտությունների ակադեմիայի Տիեզերական հետազոտությունների ինստիտուտի տնօրեն Անատոլի Պետրուկովիչը։
«Համապատասխանաբար, մագնիսական փոթորիկների հավանականությունը բավականին մեծ կլինի։ Սակայն դրանց ամպլիտուդությունը կարելի է կանխատեսել միայն Արեգակի վրա բռնկումից հետո»,- ընդգծեց մասնագետը:
Թերապևտ Վիկտորյա Կրասնովան NEWS.ru-ի հետ զրույցում նշել է, որ ուժեղ մագնիսական փոթորիկների օրերին իր հիվանդներից շատերի մոտ «տարբեր ախտանիշներ են գրանցվում»։ «Ամենից հաճախ մարդիկ դժգոհում են արյան ճնշման բարձրացումից կամ կտրուկ անկումից, ինչպես նաև ուժի կորստից։ Հենց այս ընթացքում են սրվում տարբեր քրոնիկական հիվանդություններ»,- ընդգծեց փորձագետը։
