Google-ը ներկայացրել է նոր փոփոխություններ որոնման արդյունքներում՝ փորձելով մեղմել մրցակիցների դժգոհությունները և կանխել Եվրամիությունից հերթական հակամենաշնորհային տուգանքը։ Այս մասին հաղորդում է Reuters-ը՝ հիմնվելով ԵՄ հանձնաժողովի փաստաթղթի վրա։
Alphabet-ին պատկանող տեխնոհսկան քննադատության է ենթարկվել, որ անհավասար պայմաններ է ստեղծում՝ իր Google Shopping, Hotels և Flights ծառայությունները առավելություն տալով մրցակիցների նկատմամբ։ Նախորդ շաբաթ Google-ը առաջարկել էր որոնման էջի վերևում տեղադրել հատուկ վանդակ («VSS»)՝ հղումներով մասնագիտացված որոնման համակարգերի և ծառայությունների։ Այժմ ներկայացված «Տարբերակ B»-ի համաձայն՝ կավելացվի երկրորդ վանդակ՝ անվճար հղումներով հյուրանոցների, ռեստորանների, ավիաընկերությունների և տրանսպորտային ծառայությունների մատակարարներին։
Google-ի ներկայացուցիչը նշել է, որ ընկերությունն արդեն հարյուրավոր փոփոխություններ է կատարել ԵՄ «Թվային շուկաների ակտին» համապատասխանելու համար, սակայն նաև մտահոգություն է հայտնել՝ զգուշացնելով, որ որոշ կանոնակարգեր կարող են վատթարացնել օգտատերերի փորձը Եվրոպայում։ Եթե ընկերությունը ճանաչվի կանոնի խախտման մեջ, այն կարող է տուգանվել՝ մինչև տարեկան համաշխարհային շրջանառության 10 տոկոսի չափով։
