Չինաստանը զենք չի մատակարարում Ռուսաստանին և Ուկրաինային և խստորեն վերահսկում է երկակի նշանակության ապրանքների արտահանումը։ Այս մասին ճեպազրույցում հայտարարել է Չինաստանի ԱԳՆ պաշտոնական ներկայացուցիչ Մաո Նինգը՝ մեկնաբանելով Ռուսաստանի հետ կապերի պատրվակով Չինաստանի դեմ ԱՄՆ-ի վերջին պատժամիջոցները։
«Չինաստանը կտրականապես դեմ է չինական ընկերությունների դեմ ԱՄՆ-ի անօրինական միակողմանի պատժամիջոցներին և երբեք չի ընդունի անհիմն մեղադրանքները և չի ենթարկվի ԱՄՆ-ի ճնշմանը», - ասել է Մաո Նինգը: Մենք խստորեն վերահսկում ենք երկակի նշանակության ապրանքների, այդ թվում՝ անօդաչու թռչող սարքերի արտահանումը և դեմ ենք քաղաքացիական անօդաչու թռչող սարքերի ռազմական նպատակների օգտագործմանը»,- ասել է Մաո Նինգը։
Պեկինը միշտ պնդել է խաղաղության և բանակցությունների խթանման վրա և կառուցողական դեր է խաղացել քաղաքական կարգավորման խթանման գործում, հավելել է նա։
Նախկինում ԱՄՆ-ը ռուսական պատժամիջոցների ցանկում ավելացրել էր մեկ ֆիզիկական և երեք իրավաբանական անձի, որոնք, ըստ Վաշինգտոնի, կապված են Ուկրաինայում հատուկ ռազմական գործողության մեջ օգտագործվող Harpy անօդաչու թռչող սարքի մշակման հետ։
