Հաստատվել է ուսուցիչների 2024 թվականի կամավոր ատեստավորման ժամանակացույցը

18.10 12:26 | Կատեգորիա Հասարակություն

ՀՀ ԿԳՄՍ նախարարի հրամանով հաստատվել է 2024 թվականի ուսուցիչների կամավոր ատեստավորման ժամանակացույցը:

ԿԳՄՍՆ-ից հայտնում են, որ ըստ այդմ՝ «Ինֆորմատիկա» և «Աշխարհագրություն» առարկաների ուսուցիչների ատեստավորումը տեղի կունենա նոյեմբերի 9-ին, «Անգլերեն» և «Ռուսաց լեզու» առարկաների ուսուցիչների ատեստավորումը՝ նոյեմբերի 10-ին, «Մաթեմատիկա», «Ֆիզկուլտուրա», «Շախմատ» առարկաների ուսուցիչների ատեստավորումը՝ նոյեմբերի 16-ին, «Ֆրանսերեն», «Գերմաներեն», «Հայոց լեզու» առարկաների ուսուցիչների ատեստավորումը՝ նոյեմբերի 17-ին, «Ֆիզիկա», «Քիմիա», «Կենսաբանություն», ՆԶՊ, «Տեխնոլոգիա», «Երաժշտություն», «Կերպարվեստ» առարկաների ուսուցիչների ատեստավորումը՝ նոյեմբերի 23-ին, «Պատմություն», «Հայ եկեղեցու պատմություն», «Հասարակագիտություն» առարկաների, ինչպես նաև դասվարների ատեստավորումը՝ նոյեմբերի 24-ին:

2024 թվականից ուսուցիչների կամավոր ատեստավորումն առաջին անգամ անցկացվելու է էլեկտրոնային եղանակով:

Թղթային եղանակով իրականացվելու Է միայն «Եզդիերեն», «Պարսկերեն» և «Ասորերեն» առարկաների ուսուցիչների ատեստավորումը: Այն նախատեսված է նոյեմբերի 16-ին:

Հրամանով հաստատվել է նաև գիտելիքի ստուգման կենտրոնների ցանկը:

Միաժամանակ հայտնում ենք, որ 5-12-րդ դասարաններում դասավանդվող՝

«Մայրենի», «Հայոց լեզու», «Գրականություն» և «Հայ գրականություն» առարկաներ դասավանդող ուսուցիչներն ատեստավորվում են միայն «Հայոց լեզու» առարկայից,

«Մայրենի լեզու (քրդերեն)» և «Մայրենի լեզու և գրականություն (քրդերեն)» առարկաներ դասավանդող ուսուցիչներն ատեստավորվում են միայն «Մայրենի լեզու (քրդերեն)» առարկայից,

«Հայոց պատմություն» և «Համաշխարհային պատմություն» դասավանդող ուսուցիչներն ատեստավորվում են «Պատմություն» առարկայից,

«Աշխարհագրություն» և «Հայաստանի աշխարհագրություն» առարկաները դասավանդող ուսուցիչներն ատեստավորվում են «Աշխարհագրություն» առարկայից,

«Ինֆորմատիկա» և «Թվային գրագիտություն և համակարգչային գիտություն» առարկաները դասավանդող ուսուցիչներն ատեստավորվում են «Ինֆորմատիկա» առարկայից,

«Հանրահաշիվ» և «Երկրաչափություն» առարկաները ներառվելու են մեկ թեստում:

1-4-րդ դասարաններում դասավանդող դասվարները թեստավորվում են մեկ միասնական թեստով, որում ներառված են հարցեր «Մայրենի», «Մաթեմատիկա» և «Ես և շրջակա աշխարհը» առարկաներից։

«Բնագիտություն» («Բնություն»), «Իմ հայրենիքը», «Իմ հայրենիքը և աշխարհը» առարկաները դասավանդող ուսուցիչներն ատեստավորման համար ընտրում են իրենց որակավորմանը համապատասխան առարկան:

Ուսումնական հաստատությունում նախարարության կողմից երաշխավորված դպրոցական բաղադրիչով առարկաներ դասավանդող ուսուցիչը կարող է ատեստավորվել տվյալ բնագավառի՝ ատեստավորման ցանկում ընդգրկված առարկաներից որևէ մեկով՝ իր ընտրությամբ:

Ամենաշատ կարդացվածներ

Ադրբեջանի հերթական քարոզչական կեղծիքը. Արտյոմ Տոնոյան (Լուսանկարներ)

12.03 00:38 | Կատեգորիա Մտքեր

Ալիևը, իր դատարանում, «դատում» է հայի բոլոր տեսակներին. Հովակիմ Զաքարյան

12.03 00:26 | Կատեգորիա Մտքեր

Լոկոմոտիվը հաղթեց Մախաչկալայի Դինամոյին, Թիկնիզյանը՝ գոլային փոխանցման հեղինակ

12.03 01:47 | Կատեգորիա Սպորտ

Բաքուն հերթական սադրանքին է գնում, «հայ ականատեսներ» է բերում «դատավարություններին». ադրբեջանագետ

11.03 23:47 | Կատեգորիա Մտքեր

Reuters. Զելենսկին սկանդալից հետո կարող է նորից հրավիրվել Սպիտակ տուն

11.03 23:37 | Կատեգորիա ԱՄՆ

Մաշկաբանը նշել է՝ որ խմիչքներն են նվազագույն վտանգ ներկայացնում դեմքի մաշկի համար

11.03 23:59 | Կատեգորիա Բժշկություն

Թրամփը հուսով է, որ առաջիկա օրերին ուկրաինական հակամարտությունում հրադադար կստեղծվի

12.03 00:36 | Կատեգորիա ԱՄՆ

Հրաձիգ Էլմիրա Կարապետյանը` Եվրոպայի առաջնության արծաթե մեդալակիր

12.03 01:23 | Կատեգորիա Սպորտ

Անաստասիա Վոլոչկովայից 1,7 մլն ռուբլի գողացած բրոքերները դատապարտվել են

12.03 00:13 | Կատեգորիա Ժամանց

ՈՒՂԻՂ

Սա քաղաքական հարց չէ, սա սիմպածիայի հարց չէ. մեր գերիները պետք է վերադառնան. Թագուհի Թովմասյան (տեսանյութ)