Հնդկաստանի քաղաքացիական ավիացիայի կարգավորող DGCA-ն հայտարարել է, որ Հնդկաստանում կործանված ինքնաթիռի օդաչուները թռիչքից կարճ ժամանակ անց աղետի ազդանշան են ուղարկել օդային երթևեկության կառավարմանը։
«Թռիչքից կարճ ժամանակ անց օդաչուները «MAYDAY» աղետի ազդանշան են ուղարկել օդային երթևեկության կառավարման ծառայությանը։ Սակայն, մինչև ինքնաթիռի գետնին բախվելը, որևէ այլ հաղորդագրություն չի ստացվել», - հայտնել է DGCA-ն։
Ավելի վաղ, Հնդկական ABP լրատվական պորտալը հաղորդել է, որ ուղևորատար ինքնաթիռ է կործանվել Հնդկաստանի Գուջարաթ նահանգում՝ Ահմադաբադ քաղաքի օդանավակայանի մոտակայքում։
