Մոսկվայում սկսվել են Ռուսաստանի արտաքին գործերի նախարար Սերգեյ Լավրովի և նրա բելառուս գործընկեր Մաքսիմ Ռիժենկովի միջև բանակցությունները, հաղորդում է ՌԻԱ Նովոստիի թղթակիցը։
Բանակցությունները կընդգրկեն երկկողմ համագործակցության և միջազգային օրակարգի հարցերի լայն շրջանակ, մասնավորապես, նախարարները մտքեր կփոխանակեն ուկրաինական ճգնաժամի կարգավորման հարցի շուրջ, այդ թվում՝ ռուս-ուկրաինական ուղիղ բանակցությունների համատեքստում։
Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան ճեպազրույցի ժամանակ հայտարարել է, որ կողմերը կքննարկեն ռուս-բելառուսական արտաքին գործերի նախարարությունների միջև համագործակցության գործնական ասպեկտները, այդ թվում՝ Ռուսաստանի և Բելառուսի արտաքին գործերի նախարարությունների կոլեգիաների համատեղ նիստի նախապատրաստական աշխատանքները , որը տեղի կունենա այս տարվա չորրորդ եռամսյակում Սանկտ Պետերբուրգում : Բացի այդ, կքննարկվի Միութենական պետության ստեղծման մասին պայմանագրի 2024-2026 թվականների համար մասնակից պետությունների արտաքին քաղաքականության ոլորտում համակարգված գործողությունների ծրագրի և ընթացիկ տարվա արտաքին գործերի նախարարությունների միջև խորհրդակցությունների պլանի իրականացումը:
