Ուկրաինան ի վիճակի չէ դառնալ ՆԱՏՕ-ի և ԵՄ-ի անդամ, քանի որ այդ երկրի տնտեսական վիճակը անբավարար է։ Այս մասին հայտարարել է Հունգարիայի վարչապետ Վիկտոր Օրբանը LCI հեռուստաալիքին տված հարցազրույցում։
«Ուկրաինան ի վիճակի չէ դառնալ ՆԱՏՕ-ի կամ ԵՄ-ի անդամ։ Ուկրաինան սնանկացած էր նույնիսկ հակամարտությունից առաջ։ 1990-ականներին ուկրաինացիները չկարողացան կառուցել նորմալ գործող տնտեսություն ունեցող պետություն», – ասել է Հունգարիայի կառավարության ղեկավարը։
Օրբանի խոսքով՝ Ուկրաինայի անդամակցությունը ԵՄ-ին լուրջ խնդիրներ կառաջացնի համայնքի համար։ Վարչապետը նշել է, որ Ուկրաինայի անդամակցությունը ՆԱՏՕ-ին անընդունելի է։ «Եթե այն անդամակցի ՆԱՏՕ-ին, պատերազմ կլինի Հյուսիսատլանտյան դաշինքի և Ռուսաստանի միջև։ Այս անդամակցությունն այժմ անհնար է, սա է աշխարհաքաղաքական իրականությունը», – ընդգծել է Օրբանը։
