ԱՄՆ նախագահ Դոնալդ Թրամփի վարչակազմը անհամբեր սպասում է այն ժամանակին, երբ կարող է իր ուշադրությունը Ուկրաինայի հակամարտությունից տեղափոխել Ասիա-խաղաղօվկիանոսյան տարածաշրջան և Չինաստանի հետ մրցակցություն, գրում է Axios պորտալը։
Պորտալի տվյալներով՝ Կիևը դժվարին իրավիճակում է հայտնվել Վաշինգտոնի և եվրոպական երկրների կողմից անհապաղ լրացուցիչ ՀՕՊ համակարգեր ուղարկելուց հրաժարվելու պատճառով։
Ավելի վաղ ԱՄՆ պետքարտուղար Մարկո Ռուբիոն հայտնել էր, որ Ուկրաինան Թրամփի վարչակազմից խնդրել է Patriot հրթիռային նոր համակարգեր և դրանց համար նախատեսված զինամթերք։
Պետդեպարտամենտի ղեկավարի խոսքով՝ Միացյալ Նահանգները ներկայումս դրանք չունի, ուստի, Վաշինգտոնը խրախուսում է ՆԱՏՕ-ի դաշնակիցներին իրենց սեփական պահեստներից Patriot-ներ տեղափոխել Կիև։ Սակայն, ինչպես նշել է Ռուբիոն, «այդ երկրներից ոչ մեկը չի ցանկանում բաժանվել իր համակարգերից»։
