Վրաստանի վարչապետ Իրակլի Կոբախիձեն Ֆրանսիայի նախագահ Էմանուել Մակրոնին, Լեհաստանի վարչապետ Դոնալդ Տուսկին և Գերմանիայի կանցլեր Ֆրիդրիխ Մերցին մեղադրել է Վրաստանի Անկախության օրվա կապակցությամբ քաղաքական գործիչների վերջին համատեղ հայտարարության կապակցությամբ վարվելակարգի բացակայության մեջ։
Երկուշաբթի օրը Մակրոնը, Տուսկը և Մերցը հատուկ նամակով շնորհավորել են վրաց ժողովրդին Անկախության օրվա առթիվ և դատապարտել Վրաստանի իշխանությունների գործողությունները քաղաքացիական հասարակության, լրատվամիջոցների և հակառակորդների նկատմամբ։ Եվրոպական երեք երկրների ղեկավարները նույնպես աջակցություն են հայտնել վրաց ժողովրդի դեմոկրատական նկրտումներին։ Նամակը հրապարակել է Վրաստանում Ֆրանսիայի դեսպանությունը։
«Նախ՝ էթիկետի խնդիր է մայիսի 26-ին նման հայտարարություն չանելը, մայիսի 26-ը տոն է, և նման օրերին ընդունված է շնորհավորական նամակներ ուղարկել, տոնական հայտարարություններ անել։
Նրանք չեն պահպանում արարողակարգը և էթիկետը, ինչը նշանակում է, որ չեն գործում իրական օբյեկտիվ շահերին համապատասխան»,- լրագրողներին ասել է վարչապետը։
Նրա խոսքով՝ Մակրոնն այլ դիրքորոշում է հայտնել Ալբանիայում իր հետ հանդիպման ժամանակ։
