Հրթիռը, որը ծրագրավորված էր ուղարկել արհեստական արբանյակներ և կատարել վերահսկվող վայրէջք, մոտ կես ժամ անց կորցրեց վերահսկողությունը և պայթեց օդում։ Սա Starship-ի 9-րդ փորձարկումն էր, որն արդեն երկու անգամ տապալվել էր տարվա ընթացքում, փոխանցում է Reuters-ը։
SpaceX-ի հիմնադիր Իլոն Մասկը նախատեսում էր թռիչքից հետո խոսել «մարդկության մոլորակային ապագայի» մասին, սակայն մինչ օրս հանդես չի եկել հրապարակային հայտարարությամբ։ Մինչ SpaceX-ը հավաքում է թռիչքից ստացված տվյալները և խոստանում ավելի արագ փորձարկումներ՝ մոտավորապես յուրաքանչյուր 3-4 շաբաթում մեկ անգամ, վթարը ևս մեկ հարված է Մասկի խոշոր ծրագրերին՝ մարդկանց Մարս տեղափոխելու վերաբերյալ։
Թռիչքի վթարից առաջ, հրթիռը բարձրացել էր Տեխասից՝ օգտագործելով նախորդ թռիչքի վերօգտագործվող բուստեր։ Սակայն վերին աստիճանի շարժիչի վթարը և բեռի բացման մեխանիզմի խափանումը ցույց տվեցին, որ SpaceX-ի համար դեռ երկար ճանապարհ կա՝ Starship-ը դարձնելու արդյունավետ և հուսալի բազմակի օգտագործման հրթիռ։
