ԱՄՆ նախագահ Դոնալդ Թրամփը հայտարարել է, որ Վենեսուելան իր տարածքում տեղակայել է օտարերկրյա զորքեր և արտասահմանում ձեռք է բերել հարձակողական զենքի համակարգեր, որոնք սպառնում են ամերիկյան շահերին տարածաշրջանում։
«Ամերիկան երբեք թույլ չի տա օտարերկրյա պետություններին թալանել մեր ժողովրդին կամ վտարել մեզ մեր սեփական կիսագնդից», – ասել է նա Ֆլորիդա նահանգի Ուեսթ Պալմ Բիչի մոտ գտնվող իր Մար-ա-Լագո նստավայրում կայացած մամուլի ասուլիսում։ «Ավելին, այժմ տապալված բռնապետ Մադուրոյի օրոք Վենեսուելան ավելի ու ավելի է հյուրընկալել օտարերկրյա հակառակորդների մեր տարածաշրջանում և ձեռք է բերել սպառնալից հարձակողական զենքեր, որոնք կարող են սպառնալ մեր շահերին և կյանքին, և երեկ երեկոյան նրանք օգտագործել են այդ զենքերը», – հավելել է Թրամփը։
Հունվարի 3-ին Վենեսուելայի արտաքին գործերի նախարար Իվան Գիլ Պինտոն հայտարարել է, որ ԱՄՆ-ն հարձակվել է քաղաքացիական և ռազմական թիրախների վրա Կարակասում։ Նա Վաշինգտոնի գործողությունները անվանել է ռազմական ագրեսիա։ Վենեսուելայում հայտարարվել է արտակարգ դրություն։ Թրամփը հաստատել է, որ ԱՄՆ-ն խոշոր հարվածներ է հասցրել Վենեսուելայի դեմ։ Նա ասել է, որ հանրապետության առաջնորդ Նիկոլաս Մադուրոն և նրա կինը գերի են վերցվել և դուրս են բերվել երկրից։
