Հավաքական անվտանգության պայմանագրի կազմակերպության (ՀԱՊԿ) անդամ երկրներն ընդունել են 2026 թվականի համար Հավաքական անվտանգության համակարգի հրամանատարա-վերահսկման մարմինների, ուժերի ու միջոցների կազմավորման պլան։ Այս մասին հայտնել է Բելառուսի ՊՆ մամուլի ծառայությունը Telegram-ի իր ալիքում։
Գերատեսչության տվյալներով՝ ՀԱՊԿ անդամ երկրների պաշտպանության նախարարների խորհրդի նիստի ընթացքում կողմերը քննարկել և ստորագրել են կազմակերպության որոշումները առանցքային հարցերի, մասնավորապես՝ «Հավաքական անվտանգության պայմանագրի կազմակերպության 2026 թվականի հրամանատարության և կառավարման մարմինների և հավաքական անվտանգության համակարգի ուժերի ու միջոցների համատեղ պատրաստման պլանի մասին»։
Բացի այդ, որոշումներ են ընդունվել ՀԱՊԿ հավաքական անվտանգության համակարգի հրամանատարա-վերահսկիչ մարմինների և ուժերի ու միջոցների համատեղ ուսուցման կազմակերպման մեթոդական առաջարկությունների և կազմակերպության անդամ պետությունների զինված ուժերի մատակարարումների նկարագրության ստանդարտ ձևաչափերի մշակման և ձևակերպման կարգի վերաբերյալ։
