Իսրայելի ռազմաօդային ուժերը մի շարք հարվածներ են հասցրել Եմենի մայրաքաղաք Սանայի միջազգային օդանավակայանին, որը գտնվում է «Անսար Ալլահ» ապստամբ շարժման հութիների վերահսկողության տակ։ Այս մասին հայտնում է ապստամբներին պատկանող Al Masirah հեռուստաալիքը։
Նրա խոսքով՝ իսրայելական ավիացիան առնվազն չորս հարված է հասցրել Սանայի օդանավակայանին։ Խոցել են Yemenia Airways ավիաընկերության ինքնաթիռը և օդանավակայանի թռիչքուղին։ Ավիահարվածի հետևանքով նյութական վնասների մասին դեռ տեղեկություններ չկան։
Ավելի վաղ Իսրայելի պաշտպանության բանակի մամուլի ծառայությունը հայտնել էր, որ ռազմաօդային ուժերը հարձակվել են Սանայի միջազգային օդանավակայանի և Անսար Ալլահ շարժմանը պատկանող ինքնաթիռների վրա։ Ըստ իսրայելական կողմի՝ ինքնաթիռներն օգտագործվել են հութիների կողմից Իսրայելի վրա «հարձակումներ ծրագրող ահաբեկիչներին տեղափոխելու համար»։
