Հունգարիայի արտաքին գործերի նախարար Պետեր Սիյարտոն ԵՄ առաջնորդներին կոչ է արել չմիջամտել Ռուսաստանի և Ուկրաինայի միջև Ստամբուլում ընթացող բանակցություններին։ Նա նաև հույս է հայտնել, որ այս հանդիպումը կհաջողվի լուծել ուկրաինական հակամարտությունը։
Ժամանելով Անթալիա ՆԱՏՕ-ի արտգործնախարարների ոչ պաշտոնական հանդիպմանը, Սիյարտոն նշել է, որ այժմ «աշխարհը հետևում է մեկ այլ թուրքական քաղաքին՝ Ստամբուլին, որտեղ սկսվում են ռուս-ուկրաինական ուղիղ բանակցությունները»։
«Մենք հուսով ենք, որ երկու կողմերը բաց կլինեն համաձայնության հասնելու համար, և մենք ակնկալում ենք, որ Բրյուսելը որևէ քայլ չի ձեռնարկի, որը կարող է խանգարել ռուս-ուկրաինական համաձայնության ձեռքբերմանը խաղաղության կամ առնվազն հրադադարի մասին», - գրել է Սիյարտոն Facebook-ում:
Հունգարիայի կառավարությունը նախկինում բազմիցս ափսոսանք է հայտնել, որ ԵՄ առաջնորդները ձգտում են շարունակել ռազմական հակամարտությունը Ուկրաինայում, այլ ոչ թե աջակցել խաղաղության հասնելու ջանքերին:
