ՌԴ-ում միգրանտների ժամանակավոր կացության քվոտան 2025 թվականի համար գրեթե կիսով չափ կրճատվել է

16.10.2024 12:06 | Կատեգորիա Համաշխարհային

ՌԴ կառավարությունը հաստատել է 2025 թվականին Ռուսաստանի Դաշնությունում օտարերկրացիների ժամանակավոր կացության քվոտան՝ այդ թիվը նվազեցնելով մինչև 5500-ի։ «Արմենպրես»-ի փոխանցմամբ՝ այս մասին հաղորդում է ՏԱՍՍ-ը։

«2025 թվական համար սահմանել Ռուսաստանի Դաշնությունում օտարերկրյա քաղաքացիներին և քաղաքացիություն չունեցող անձանց 5500 ժամանակավոր կացության թույլտվության տրամադրման քվոտա՝ բաշխելով ըստ սուբյեկտների», - ասված է հրամանում։

2024 թվականին այդ քվոտան կազմել է 10 595, այսինքն՝ հաջորդ տարվա համար այն կրճատվում է գրեթե կիսով չափ։ Թույլտվությունների ամբողջ ծավալը կբաշխվի Ռուսաստանի տարածաշրջանների միջև՝ նրանց հայտերին համապատասխան։

Ամենամեծ թվով թույլտվություններ ավանդաբար ստանում են Մոսկվան և Մոսկվայի մարզը. 2025 թվականին դա համապատասխանաբար 1000 է և 350 (2024 թվականին՝ 1500 և 750): Սանկտ Պետերբուրգում կտրվի ժամանակավոր կացության 200 թույլտվություն՝ 2024 թվականի 300-ի փոխարեն։ Թաթարստանը և Բաշկիրիան, որոնք 2023 թվականին ունեին 500-ական թույլտվություն, իսկ 2024 թվականին՝ 250-ական, 2025 թվականին կստանան միայն 100 թույլտվություն։

Վերջին հինգ տարում քվոտայի չափը տարեցտարի նվազում է. 2023 թվականին ՌԴ նախարարների կաբինետը տվել է 13 500 կացության թույլտվություն, 2022 թվականին՝ մոտ 19 000, 2021 թվականին՝ ավելի քան 39 000: Ինչպես նշված է կից նյութերում, տարածաշրջաններն օգտագործում են սահմանված քվոտայի ընդամենը փոքր մասը. 2024 թվականի յոթ ամսում, ըստ Ռուսաստանի ներքին գործերի նախարարության տվյալների, գործածվել է սահմանված թվի միայն 20,4 %-ը։

Քվոտան, այդ թվում 2025 թվականի համար, որոշվում է Ռուսաստանի Դաշնության սուբյեկտներից ստացված առաջարկների հիման վրա, որոնք պատրաստվում են յուրաքանչյուր տարածաշրջանում միգրացիոն իրավիճակի և տնտեսական դրության վերլուծության արդյունքներով: Կառավարությունը լրացուցիչ սահմանում է քվոտայի պահուստ, որը նույնպես բաշխվում է Դաշնության սուբյեկտների միջև. 2025 թվականին այդ թիվը կկազմի 1650՝ 2024 թվականի 3178-ի համեմատ:

Ամենաշատ կարդացվածներ

Ռեկորդային թվով ռուսաստանցիներ են ժամանել Հայաստան․ «Վյորստկա»

10.11.2026 00:27 | Կատեգորիա Համաշխարհային

BYD-ի նոր շքեղ էլեկտրասեդանը տանկի նման պտտվում է (լուսանկարներ)

10.11.2026 00:57 | Կատեգորիա Ժամանց

Թրամփի ընտրական հարվածը, Ռուսաստանի շուրջ եվրոպական պառակտումն ու նոր լարվածությունը (տեսանյութ)

09.11.2026 19:28 | Կատեգորիա Համաշխարհային

Պարենային հումքի գները կաճեն 10%-ով․ Համաշխարհային բանկ

10.11.2026 00:38 | Կատեգորիա Տնտեսական

Ուկրաինան հայտարարել է, որ Զելենսկին պատրաստ է Պուտինի հետ հանդիպել անգամ Անտարկտիդայում, միայն ոչ Մոսկվայում

10.11.2026 01:21 | Կատեգորիա Համաշխարհային

Փաշինյան երազածն է «ոչ»-ի շտաբը, որ ասի՝թալանը, տեսե՜ք, ժողովուրդ, տարա՜ն. Նաիրա Զոհրաբյան (տեսանյութ)

09.11.2026 20:30 | Կատեգորիա Քաղաքական

Ռուսաստանի ութ տարածաշրջաններում միգրանտներին կարգելեն տաքսի վարել

09.11.2026 22:50 | Կատեգորիա Համաշխարհային

«Ձեզ վրա դժոխք կթափեն». Իրանն ԱՄՆ-ին 48 ժամ է տվել

09.11.2026 18:06 | Կատեգորիա Համաշխարհային

Զեղծարարության փորձերը կրկին ակտիվացել են․ ՆԳՆ-ն զգուշացում է տարածել

09.11.2026 18:19 | Կատեգորիա Իրավունք

ՈՒՂԻՂ

Երևանի պարեկները հայտնաբերել են հանդիպակաց երթևեկող «Մերսեդեսի» վարորդին (տեսանյութ)