Երեւանի եւ Հայաստանի մի շարք մարզերի ուսումնական հաստատությունների ներկայացուցիչներն այս շաբաթ հյուրընկալվել են Ազգային ժողովում: «Հակոբ Կոջոյան» կրթահամալիրի սաներին ընդունել է ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը։ Պատգամավորը հանդիպել է նաեւ Երեւանի Սերո Խանզադյանի անվան թիվ 184 ավագ դպրոցի աշակերտների եւ ուսուցիչների հետ:Այս մասին ահյտնում են ԱԺ-ից։
«Խորհրդարանական Լիլիթ Ստեփանյանը հանդիպել է լսողության խանգարումներ ունեցող երեխաների հատուկ կրթահամալիրի մի խումբ աշակերտների հետ։
«Ֆրանս-հայկական մասնագիտական ուսումնական կենտրոն» հիմնադրամի մի խումբ այցելուների հյուրընկալել է պատգամավոր Էլինար Վարդանյանը:
Խորհրդարանականներ Անուշ Քլոյանը եւ Տիգրան Պարսիլյանը զրուցել են Արարատի մարզի Լուսառատի միջնակարգ դպրոցի աշակերտների հետ:
Եվրոպական համալսարանի իրավագիտության ֆակուլտետի ուսանողներն էլ պատգամավոր Սոնա Ղազարյանի հյուրերն էին:
Խորհրդարանական Հայկ Ցիրունյանը հանդիպել է Կոտայքի մարզի Քասախ համայնքի Ռոբերտ Գեւորգյանի անվան թիվ 1 միջնակարգ դպրոցի աշակերտների եւ ուսուցիչների հետ։
«Երիտասարդների համագործակցության միջազգային կենտրոն» ՀԿ-ի «Մեդիագրագիտության ոլորտում Երիտասարդական աշխատողների կարողությունների զարգացման դասընթաց, դեռահասների հետ աշխատելու հմտություններ» դասընթացի մասնակիցների հետ հանդիպել եւ զրուցել է պատգամավոր Լիլիթ Մինասյանը։
Խորհրդարանական Տաթեւիկ Գասպարյանը հյուրընկալել է «Էջմիածնի երիտասարդների տուն» երիտասարդական կենտրոնի սաներին:
Ռուս-հայկական համալսարանի «Ուսմունք» դպրոցի ներկայացուցիչների հետ «Բաց դաս» է անցկացրել պատգամավոր Արթուր Խաչատրյանը։
Խորհրդարանական Արտյոմ Մեհրաբյանը հանդիպել է Արմավիրի մարզի Բաղրամյան համայնքի միջնակարգ դպրոցի աշակերտների եւ ուսուցիչների հետ։
Պատգամավորները խորհրդարան այցելած հյուրերին ներկայացրել են օրենսդիր մարմնի գործառույթները, անդրադարձել Հայաստանի ներքաղաքական խնդիրներին, արտաքին քաղաքականության առաջնահերթություններին: Օրենսդիրները հյուրերի հետ խոսել են նաեւ կրթության ոլորտի բարեփոխումների, դպրոցներում մշակութային միջոցառումների կազմակերպման եւ այլ հարցերի շուրջ:
Այցելուները եղել են Ազգային ժողովի գրադարանում եւ թանգարանում, ծանոթացել խորհրդարանի շենքի պատմությանը»,-ասված է հաղորդագրության մեջ:
