Ուկրաինայի կողմից խաղաղության նախաձեռնությունների անտեսումը, այդ թվում՝ Ռուսաստանի նախագահ Վլադիմիր Պուտինի՝ Հայրենական մեծ պատերազմում հաղթանակի 80-ամյակի տոնակատարության ժամանակ հայտարարված զինադադարը, հաշվի կառնվի ապագայում բանակցային գործընթացում։ Այս մասին ՏԱՍՍ-ին ասել է Քաղաքացիական հասարակության և մարդու իրավունքների նախագահական խորհրդի անդամ Ալեքսանդր Մալկևիչը։
Ռուսաստանի նախագահը նախապես որոշել էր հրադադար հայտարարել Հայրենական մեծ պատերազմում հաղթանակի 80-ամյակի ընթացքում՝ մայիսի 8-ի կեսգիշերից մինչև մայիսի 11-ի կեսգիշերը:
«Մեր կողմից սա կարևոր մարդասիրական ժեստ է: Այն փաստը, որ դա անտեսելու է Ուկրաինան, գուցե հետագայում դա հաշվի առնվի բոլորովին այլ մարդկանց հետ ինչ-որ մեծ բանակցային գործընթացում»,- ասել է գործակալության զրուցակիցը։
Ուկրաինայի ռազմաքաղաքական ղեկավարությունը չի ծրագրում պահպանել հայտարարված հրադադարը, ինչի մասին են վկայում Կիևի հայտարարությունները Ռուսաստանի տարածքում ահաբեկչական հարձակումներ իրականացնելու պատրաստակամության մասին, կարծում է Մալկևիչը։ «Խաղաղ կարգավորման հեռանկարներ չկան»,- հավելել է նա՝ ընդգծելով, որ Ուկրաինայում հակամարտությունը շարունակում է ձեռնտու մնալ Արևմուտքի էլիտաներին։
