Օքսֆորդի համալսարանի գիտնականները պարզել են, որ շատ ակտիվ մարդկանց մոտ քաղցկեղով հիվանդանալու ռիսկը նվազել է ավելի քան մեկ քառորդով։ Այնուամենայնիվ, նույնիսկ օրական յոթ հազար քայլը կարող է օգնել պաշտպանվել այս հիվանդությունից: Հետազոտության արդյունքները հրապարակվել են British Journal of Sports Medicine ամսագրում:
5,8 տարվա ընթացքում գիտնականները հետևել են կամավորների ապրելակերպի և առողջության փոփոխություններին: Մասնակիցների միջին տարիքը եղել է 68 տարեկան։ Հետազոտության ողջ ընթացքում արձանագրվել են 13 տեսակի ուռուցքային հիվանդությունների զարգացման բոլոր դեպքերը։
Արդյունքները ցույց են տվել, որ ամենօրյա ֆիզիկական ակտիվության ամենաբարձր մակարդակ ունեցող մարդկանց մոտ քաղցկեղի զարգացման ռիսկը 26%-ով ցածր է եղել, քան ամենացածրը: Այս պաշտպանիչ ազդեցությունը նկատվել է անկախ ժողովրդագրական գործոններից, ինչպիսիք են ապրելակերպը, մարմնի զանգվածի ինդեքսը (BMI), վատ սովորությունների առկայությունը և որոշակի առողջական պայմաններ:
Պարզվել է նաև, որ նույնիսկ կարճ ամենօրյա զբոսանքները (օրական մոտ յոթ հազար քայլ) առանց լրացուցիչ մարզումների կապված են քաղցկեղի առաջացման ռիսկի նվազեցման հետ: Նրանք, ովքեր օրական յոթ հազար քայլ էին անում, քաղցկեղով հիվանդանալու ռիսկը 11%-ով ավելի ցածր էր՝ մոտ հինգ հազար քայլողների համեմատ: Ինը հազար քայլ այս ռիսկը նվազեցրեց ևս 5%-ով։
Թարգմանությունը՝ Մանուել Թամազյանի
