Կիևն ու Պեկինը երկու արձանագրություն են կազմել Ուկրաինայից Չինաստան ոլոռի և ջրային մթերքների մատակարարման վերաբերյալ։ Այս մասին հայտնում է ТАСС-ը՝ հղում անելով Չինաստանի կենտրոնական հեռուստատեսությանը։
Փաստաթղթերը մարտի 6-ին ստորագրել են Կիևում Չինաստանի դեսպան Մա Շենկունը և Ուկրաինայի սննդամթերքի անվտանգության և սպառողների իրավունքների պաշտպանության պետական ծառայության ղեկավար Սերգեյ Տկաչուկը։
Չինացի դիվանագետի խոսքով՝ Պեկինի և Կիևի համագործակցությունը գյուղատնտեսության ոլորտում «մեծ ներուժ ունի», և կողմերը լրացնում են միմյանց։ Նա նաև վստահեցրել է, որ Չինաստանն էլ ավելի կամրապնդի համապատասխան համագործակցությունը Ուկրաինայի հետ։
Մարտի 5-ին Չինաստանի արտգործնախարարության խոսնակ Լին Ցզյանը հայտարարել է, որ Չինաստանը նոր միտումներ է տեսնում ուկրաինական ճգնաժամի քաղաքական կարգավորման գործընթացում։
